Avtobus sürcüsü "mütaliə" edir - Sükanı kim tutacaq? - VİDEO

Demək olar ki, hər gün avtobus sürücülərinin “bu qədər də olmaz” dedirdəcək hərəkətlərinin şahidi oluruq. Avtosfer.az atvxəbər-ə istinadən xəbər verir ki, daha bir hadisə Türkiyənin Qaziantəp şəhərində qeydə alınıb. Avtobus sürərkən qəzet oxuyan sürücü məsuliyyətsizliyi ilə hər kəsin həyatını təhlükə altına alıb. Sürücü avtobusu idarə edə-edə əlindəki qəzeti oxumağa başlayır. Bir gözü yolda, bir gözü qəzetdə olan sürücünün etdikləri avtobusda olan sərnişinlərdən biri tərəfindən anbaan lentə alınıb. Hətta sürücünün avtobusda olan digər sərnişinlərin etirazına belə məhəl qoymadığı deyilir. Izləyicilərin böyük təəccübünə səbəb olan  görüntülər sosial mediada da qınaq obyekti olub. Görüntülər izləyicilər arasında heç də birmənalı qarşılanmayıb. Çoxları bu olayı gülüşlə qarşılasa da, sürücünün bu addımını tənqid edərək sərnişinlərin həyatını təhlükəyə atdığı üçün müvafiq qurumların tədbir görməsini istəyənlər də az deyil.