Belə «ağıllı və istedadlı sürücü» görmüsünüz? – Qəzadan VİDEO

Bu videodakı qəzanın səbəbkarı olan avtomobili idarə edən şəxsi «sürücü» adlandırmağa çətinlik çəksək də, təəssüflər olsun ki, onun kimiləri yollarımızda çoxdur. Avtosfer.az-ın təqdim etdiyi növbəti qəza videosunun «qəhrəmanı» kobud qayda pozuntusu törətməsi bir yana, hərəkət edərkən, başqasının yoluna çıxarkən heç sağa-sola da baxmır. Sanki belə də olmalıdır və bunun əvəzinə kimsə sağa-sola baxacaq ki, bu rahat hərəkət etsin…

Daxili İşlər Nazirliyinin «Təhlükəsiz şəhər» Avtomatlaşdırılmış İdarəetmə Mərkəzinin kameraları vasitəsilə qeydə alınan bu qəza Yasamal rayonunu, Hüseyn Cavid prospektində baş verib. Texniki Universitetin qarşısı ilə hərəkət edərək Hüseyn Cavid prospektinə çıxan «Hyundai-ix35» markalı avtomobilin sürücüsü ilk qayda pozuntusunu o zaman törədir ki, prospektə çıxarkən qarşıdakı nəqliyyat vasitələri gözlədiyi halda o, qarşı yola çıxaraq onları ötüb keçir. H.Cavid prospektində sıxlıq olduğunu gördükdə isə maşınların arası ilə sürətlə hərəkət edərək qoşa xəttin tələbini pozur və əks yola çıxır. Bu zaman sağa-sola baxmayan sürücü qarşı yolda hərəkət edən nəqliyyat vasitəsini görmür və onun yoluna çıxaraq toqquşur. Gerisi göz qabağındadır.

Belə məsuliyyətsiz sürücülərin cubatından hər gün bir neçə qəza baş verir. Belələri güman edir ki, hamı onlara yol verməlidir və hamı dayanıb onların keçib getməsini gözləməlidir. 

Həmin hadisənin videosunu təqdim edirik:

Elməddin