Kişidən siqaret ala bilməyən qadın maşını yandırdı – VİDEO

İsrail sakini Qüds şəhərinin Dereh Beyt-Lexem küçəsində yerləşən yanacaqdoldurma məntəqəsinə od vurub. Qadın yanacaqdoldurma məntəqəsində olan kişilərdən birindən siqaret istəyib. Kişi qadına siqaret vermədiyi üçün onu yandırmaq istəyib. Cibindən alışqanı çıxararaq kişiyə məxsus avomobilin çəninə od vurub.

Xoşbəxtlikdən, kişi cəld tərpənərək alovdan qaça bilib. Hadisə yerinə gələn Yanğından mühafizə xidmətinin əməkaşları yanğınn qarşısını alıblar. Qadın hadisə yerindən qaçsa da, polis tərəfindən saxlanılıb. Qadının anası onun ruhi xəstə olduğunu bildirib.

Mayın 3-də məhkəmə qarşısına çıxarılacaq qadın öz günahını boynuna almaqdan imtina edib. (publika.az)