“Gelandewagen” sürücüsü qırmızda keçib ağır qəza törətdi – 6 nəfər öldü - VİDEO

Svetoforun qırmızı işığından keçən “Gelandewagen” ağır yol qəzasına səbəb olub. Avtosfer.az xəbər verir ki, Rusiyanın Novosibirski vilayətində Sovetskiy şosesində 39 yaşlı sürücü yüksək sürətlə idarə etdiyi “Mercedes-Benz G-Class” (“Gelandewagen”) markalı avtomobillə işıqforun qırmızı işığından keçərək yolayrıcında “Toyota” ilə toqquşub. Zərbənin təsirindən hər iki nəqliyyat vasitəsi qarlı yolda sürüklənib.
Qəza nəticəsində “Toyota”nın sürücüsü, eləcə də 3-ü qadın, 2-i azyaşlı olmaqla 6 nəfər ölüb. Qəzanın 39 yaşlı səbəbkarı polis tərəfindən saxlanılıb.
Faktla bağlı cinayət işi açılıb, araşdırma aparılır.
Sözügedən hadisənin anbaan videosunu təqdim edirik:

Namiq Musayev