İçərisində polis ola-ola xidməti avtomobilin üzərinə təbii ehtiyacını ödədi - VİDEO

İçərisində polis nəfərinin olduğu post patrul avtomobilinin üzərinə təbii ehtiyacını ödəyən şəxs mobil telefon vasitəsi ilə görüntülənib.

Avtosfer.az xəbər verir ki, Rusiyanın Novosibirsk şəhərində baş verən hadisənin videosu sosial şəbəkədə paylaşılıb.

Kadrlarda yerli sakin içərisində polis əməkdaşının olduğu post patrul avtomobilinin arxa hissəsinə öz təbii ehtiyacını ödədiyi görülür.

Videoda həmçinin, həmin anda polis əməkdaşının nəyəsə başı qarışdığı və törədilən bu qeyri-etik hadisədən xəbəri olmadığı da əks olunub.

Yerli medianın məlumatına görə, polis sosial şəbəkədə yayımlanan görüntülərlə bağlı araşdırmalara başlayıb. Hazırda hadisəni törədən şəxsin məsuliyyətə cəlb olunması istiqamətində tədbirlər həyata keçirilir.

Sözügedən hadisənin videosunu təqdim edirik:

Namiq Musayev