Akkumulyatorların utilizasiyasında yeni üsul 

BMW Group Almaniyada akkumulyatorların “birbaşa təkrar emalı” üçün zavod inşa edir. 

Avtosfer.az xəbər verir ki, zavodda iş metodunun sadə olması nəzərdə tutulur. Ömrünü başa vurmuş akkumulyatordan çıxan faydalı materiallar yerindəcə yeni məhsul istehsalına yönəldiləcək. Zavodda avadanlığın montajı gələn ilin sonuna nəzərdə tutulub. 

Faydalı məhsullara gəlincə, akkumulyatorlarda tipindən asılı olaraq qurğuşun, manqan, litium, kobalt, mis və digər metallar olur. Bu metallar onun maya dəyərinin formalaşmasında əsas rol oynayır. Almanlar bu yolla həm ekologiyanı qorumaq, həm də əlavə xammal mənbəyi yaratmaq istəyirlər. layihənin dəyəri 10 milyon avrodur ki, bu da belə böyük layihə üçün ciddi vəsait hesab edilmir.

Vüqar