Alman maşınları bahalaşdı - Bazarda son vəziyyət

Bütün dünyada 2-ci əl avtomobillərə maraq böyükdür. Bu avtomobil istehsalı üzrə öncül ölkələrdə də belədir. Əsas ixrac ölkələrində 2-ci əl maşınların qiyməti artıb.

Avtosfer.az xəbər verir ki, Azərbaycana işlənmiş maşınlar ən çox Amerika və Almaniyadan gətirilir. 

Berlində 2-ci əl satılan avtomobillərin qiyməti bahalaşıb. 5-6 il əvvəl elektromobillər sürətlə populyarlıq qazananda əksəriyyət düşündü ki, benzin və dizel avtomobillərin dövrü başa çatdı və onları alan olmayacaq. Amma bu belə olmadı. Əksi baş verdi. Elektromobillər mükəmməl avtomobillər deyil, bir sıra çatışmamazlıqları hələ də var.

Ekspertlər qeyd edir ki, ümumi bahalaşma almanların iqtisadi durumu ilə bağlıdır. İndi bazarda 3-5 yaşlı maşın çox azdı. Nəticədə də ikinci əl avtomobil bazarında qıtlıq yaranıb. 

Mütəxəsssislər deyir ki, elektromobillər yaxın gələcəkdə daha da təkmilləşdiriləcək. Daha sonra qiyməti də enəcək. Bəlkə də bu halda bazarda 2-ci əl avtomobillər bazarda çoxalar və qiyməti ucuzlaşa bilər. (Milli.az)