Altı ayda ölkədə 2 mindən çox minik avtomobili istehsal edilib

2024-cü ilin yanvar-iyun aylarında Azərbaycanda 2032 ədəd minik avtomobili, 276 ədəd isə yük avtomobili istehsal edilib. Avtosfer.az Dövlət Statistika Komitəsinə istinadən xəbər verir ki, ötən ilin müvafiq dövrü ilə müqayisədə minik avtomobili istehsalı 16.5%, yük avtomobili istehsalı isə 68.3% artıb.

Qeyd edək ki, cari ilin iyul ayının 1-i vəziyyətinə hazır məhsul ehtiyatı müvafiq olaraq 516 ədəd minik, 65 ədəd isə yük avtomobili təşkil edib.