Avtomobillə geriyə hərəkətdə dünya rekordu qırıldı - VİDEO

Avtomobillə bağlı rekordlar sırasına daha biri əlavə edilib. Avtosfer.az xəbər verir ki, Kentuki ştatında yaşayan ABŞ vətəndaşı avtomobillə geriyə hərəkət edərək Ginnesin rekordlar kitabına düşüb. Xüsusi ayrılmış yolda “Chevrolet” markalı avtomobillə o, 1 mil məsafəni (1,6 km) 75 saniyəyə qət edib. Bu zaman sürət 86 km/saata çatıb və dünya rekordu rəsmiləşdirilib.

Xəbərdə avtomobilin konstruksiya dəyişikliyi barədə heç nə deyilməsə də, bir şey məlumdur. Transmissiyaya dəyişiklik etmədən bu sürətə çıxmaq mümkün deyil. Geriyə ötürmədə avtomobillərin icazə verilən maksimal sürəti əksər hallarda 40 km/saatı keçmir. Spidometrlərdə də bu barədə müvafiq sarı və ya qırmızı nişan olur.

Vüqar