Avtomobillər üçün qısa səfərlər təhlükəli ola bilər

Avtomobili müntəzəm olaraq qısa məsafəyə sürmək bir çox problem yarada bilər.  Avtosfer.az xəbər verir ki, bunu rusiyalı ekspertlər bildiriblər. Qısa məsafəyə hərəkətə zamanı mühərrik optimal temperaturadək qıza bilmir. Nəticədə sürtünmə və detalların aşınması artır. Yanacaq da tam yanmadığı üçün mühərrikdə kokslaşma baş verir.
Yağ normal qızmadığı üçün karterdə qalan su ilə qarışır, keyfiyyət aşağı düşür və yağlama pisləşir. 
Soyuq havada qısa məsafəyə hərəkət zamanı akkumulyator da tam dolmadığı üçün tez sıradan çıxır. 
Bu problemlərin qarşısını almaq üçün avtomobili həftədə azı bir dəfə uzaq məsafəyə sürmək, hərəkətə başlamazdan əvvəl mühərriki az da olsa qızdırmaq lazımdır.