Avtomobilllər ildən ilə ağırlaşır – SƏBƏB 

Avropanın bir neçə təşkilatı müxtəlif illərdə istehsal olunmuş avtomobillərin kütlələrini müqayisəli təhlil ediblər. Məlum olub ki, son 10 ildə avtomobillərin kütləsi orta hesabla 400 kiloqram artıb. 

Avtosfer.az xəbər verir ki, kütlə artımını ekspertlər əsasən elektrikləşmə, avadanlıqların çoxalması və krossoverlərə marağın artması ilə izah edirlər. Artıq bazarda kütləsi 1 tondan az olan avtomobilləri barmaqla saymaq mümkündür. Hətta aşağı siniflərdə də də SUV kateqoriyalı avtomobillər hazırlanır. 
Eyni modelin ağırlaşmasının ən başlıca səbəbi isə elektrikləşmədir. Bəzi hallarda eyni modelin elektrik versiyası benzin versiyasından 500 kiloqram ağır olur. 
Mütəxəssislər yaxın illərdə ağırlaşma tendensiyasının davam edəcəyini bildirirlər.

Vüqar