Azərbaycanda 11 nəqliyyat vasitəsi özəlləşdirilib

İqtisadiyyat Nazirliyi yanında Əmlak Məsələləri Dövlət Xidmətini bu gün keçirdiyi növbəti hərracda 11 nəqliyyat vasitəsi özəlləşdirilib.

Avtosfer.az quruma istinadən xəbər verir ki, bəzi nəqliyyat vasitəsiləri üzrə rəqabət qeydə alınıb.

Belə ki, ilkin satış qiyməti 1 800 manat olan “UAZ” markalı avtomobilə ən son təklif 4 490 manat olub. İlkin satış qiyməti 2 000 manat olan “VAZ-2106” markalı maşın isə 3 680 manata özəlləşdirilib.

Hərracda özəlləşdirilən nəqliyyat vasitələrinin siyahısı ilə buradan tanış olmaq mümkündür: ( https://bit.ly/3e4lGuz )

Növbəti hərraclar 6, 13 və 27 sentyabr tarixlərində keçiriləcək. Hər kəs Xidmətin rəsmi saytından (emlak.gov.az), Özəlləşdirmə portalından (privatization.az) hərraca çıxarılan dövlət əmlakı üzrə seçim edə, Elektron Xidmətlər Portalından (e-emlak.gov.az) müvafiq hərrac xidmətini seçərək qeydiyyatdan keçib, dövlət əmlakının ilkin hərrac qiymətinin 10 %-i qədər beh ödəyib hərracda iştirakçı statusu ala bilər. Sifarişçilər hərraclara onlayn formada da qoşula bilər.

Prosesə marağı olanlar hərrac günü həm Əmlak Xidmətləri Məkanına gəlməklə, həm də Elektron Xidmətlər Portalından (e-emlak.gov.az) “Elektron hərrac” bölməsini seçərək hərracları qeydiyyatsız formada izləyə bilərlər.