Azərbaycanda avtomobillərin sayı artıb - RƏSMİ
Avtoxəbər 6 Oktyabr 2022 12:18 Oxunub 450
Azərbaycanda avtomobillərin sayı artıb - RƏSMİ

“Dünyada şəhər əhalisinin kənd əhalisinə nisbəti 13 faizdən 55 faizə qədər yüksəlib”.

Avtosfer.az-ın məlumatına əsasən, bunu ADA Universitetində keçirilən Milli Şəhərsalma Forumunun panel müzakirələrində ekologiya və təbii sərvətlər nazirinin müavini Firdovsi Əliyev deyib.

O bildirib ki, Yer kürəsində artan urbanizasiya bir sıra problemlər yaradır. Nazir müavini qeyd edib ki, ətraf mühitin mühafizəsi, tullantıların düzgün zərərsizləşdirilməsi, şəhərsalmanın və infrastrukturun yeni çağırışlara uyğun yaradılması prioritet olmalıdır.

“Şəhərlərdə yaşıllıqların salınması vacibdir. Bakının yeni Baş Planında da bu, amil göstərilir. Bakıda yaşıllıq sahələrinin artırılması, bulvar ərazisinin 2040-cı ilə qədər uzadılması planlaşdırılır”, - deyə o əlavə edib.

Nazir müavini bildirib ki, Azərbaycanda, əsasən də ölkənin böyük şəhərlərində avtomobillərin sayının çoxalması müşahidə edilir. “Ölkədə havanın çirkləndirilməsinin 80 faizi avtomobillərin payına düşür”, - deyə o bildirib.

Qeyd edək ki, Forumun açılışı oktyabrın 5-də Ağdamda olub.

oxu.az

ŞƏRH YAZ
Ad

E-mail

Şərh