Azərbaycanda bu avtomobillərə tələb artacaq

"Avtomobillərin aksiz markası üzrə tətbiq olunan vergi dərəcəsi dəyişdi. İstismarda olan nəqliyyat vasitələrində, xüsusilə  mühərrikin həcmi 3000 kubsantimetrdən çox olan nəqliyyat vasitələrində nisbi qiymət artımları var. Digr avtomobillərin qiymətində isə ciddi bir dəyişiklik müşahidə olunmur".

Bunu "Unikal"a açıqlamasında ekspert Ramil Osmanlı deyib. Onun sözlərinə görə, elektriklə işləyən avtomobillərə tələbin artdığı görsənir. 

"Bakı küçələrində müşahidə aparsaq, "Toyota Prius"ların sayının nə qədər artdığını görmək olar. Bunlar hibrid avtomobillərdir. Həm elektrik mühərriki ilə çalışırlar, həm də yanacaqla. Amma tam elektrik mühərriki ilə təchiz olunmuş nəqliyyat vasitələrinin Azərbaycana axını 2023-cü ildən daha aktiv müşahidə olunacaq. Çünki, bu istiqamətdə servis imkanları istənilən səviyyədə deyil. Hesab edirəm ki, bu il daha çox elektrik mühərrikli nəqliyyat vasitələrinin servis mərkəzlərinin açılması sürətlənəcək. Bu, növbəti ildən ölkəmizə tam elektrik mühərriki ilə işləyən avtomobillərin gətirilməsinə müsbət təsir göstərəcək".