Azərbaycanlı sürücü Fransada narkotik çəkib özünü ələ verdi - Axtarışda imiş

Fransa polisi Sen-Briok kommunasında magistral yolda hərəkət edən moped sürücüsünü saxlayıb. Avtosfer.az xəbər verir ki, mopedlərin qadağan edildiyi yolda hərəkət edən şəxs barədə sürürücülər polisə məlumat verib. Jandarmların saxladığı sürücünün qeyri-adekvat hərəkətləri şübhə doğurub. Tüpürcəkdən götürülən analiz zamanı onun narkotik vasitənin təsiri altında olduğu sübut edilib. Onun üzərinə baxış keçirilərkən az miqdarda həşiş qatranı aşkar edilib. 
Polis bölməsində yoxlama zamanı isə  məlum olub ki, qayda pozan şəxs Azərbaycan vətəndaşıdır. O, Fransada qanunsuz yaşadığı üçün axtarışdadır.
Barəsində həbs qətimkan tədbiri seçilən azərbaycanlının işi ilə bağlı son qərar 26 may 2023-cü ildə veriləcək. O, cəzasını çəkib qurtardıqdan sonra Fransadan deportasiya ediləcək.

Vüqar