Sürücüləri narahat edən problem həll edildi - Sol zolaqdan düzünə də getmək olar - FOTO

Bakı dairəvi yolunda sürücüləri narahat edən nişanlanma ilə bağlı problem həll edildi. Avtosfer.az xəbər verir ki, Yolun Alatavanın bərabərində sağ kənar hissədən sola - orta hərəkət hissəsinə keçid edərək Biləcəriyə getmək üçün olan kəsiyi qarşısında sol zolaqdakı 1.18 nişanlanma oxu dəyişdirildi.

Qeyd edək ki, həmin ox sol zolaqdan yalnız sola hərəkətə icazə verirdi. Bu da hərəkət şəraitinə və oradan sola gedən avtomobillərin sayına uyğun deyildi.

Hüquqşünas Ərşad Hüseynov Avtosfer.az-a bildirib ki, bizim də bu məsələni işıqlandırmağımızdan sonra həmin ox dəyişdirildi və indi sol zolaqdan həm düzünə, həm də sola getmək olar: "Problemə operativ reaksiya verərək həll edən səlahiyyətli qurumların əməkdaşlarına təşəkkürümü bildirirəm".

Bir müddət öncə sürücülər həmin yolda yol polisinin qanunsuz cərimələr yazdığını bildirirdi və video çəkərək paylaşım etmişdilər. Həmin videoda sürücüləri qanunun tələblərini pozmağa çağırışlar var idi, hərəkətin təşkilindəki qüsurdan danışılmırdı. Avtosfer.az saytı və hüquqşünas Ərşad Hüseynov məsələyə obyektiv izah verəndən sonra problem həllini tapdı.

Emin