Bakıda “BMW” hərbi hissəyə girdi; dirəyi uçurub işıqları söndürdü - FOTO

Bakıda ağır yol qəzası baş verib. Avtosfer.az xəbər verir ki, Salyan rayon sakini Cəlilov Fuad Fəxrəddin oğlu idarə etdiyi BMW markalı, 99-NM-420 dövlət nömrə nişanlı avtomobili hərbi hissənin divarına çırpıb. Hadisə Binəqədi rayonu, Biləcəri qəsəbəsində baş verib. Avtomobil yoldan çıxaraq Müdafiə Nazirliyinin maddi-texniki təminat hərbi hissəsinin divarına çırpılıb. Nəticədə divar uçub, elektrik dirəyi aşıb. Ərazidə işıqlar sönüb.

Sürücü bildirib ki, qaranlıq yolda qəflətən qarşısına piyada çıxıb. O da piyadanı vurmamaq üçün sükanı qaçırmalı olub və qəza baş verib. 
Hadisə ilə bağlı araşdırma aparılır.

Emin