BNA dayanma-durmaya görə cərimə yazmağı dayandırıb? – AÇIQLAMA

Bakı Nəqliyyat Agentliyinin dayanma-durma qaydalarını pozan sürücülərə qarşı cərimə yazmağı dayandırdığı barədə məlumat yayılıb. Avtosfer.az-ın əldə etdiyi məlumata görə, oktyabrın ortalarından etibarən cərimə yazmaqla məşğul olan işçilərə xəbərdarlıq edilib. Bildirilib ki, noyabrın 1-dən etibarən BNA dayanma-durmaya görə cərimə yazmağı dayandırır. Buna görə də, müqaviləsi başa çatan işçilərlə əməkdaşlığa son qoyulur.

Onların bir çox artıq başqa yerlərdə iş axtarmağa başlayıb.

Məsələ ilə bağlı Avtosfer.az-a açıqlama verən BNA-nın mətbuat katibi Mais Ağayev bildirib ki, agentlik dayanma-durma qaydalarını pozan sürücülərə qarşı mübarizəni davam etdirir. Lakin ola bilsin ki, bu işi görən bəzi əməkdaşlarla müqavilənin vaxtı bitdiyi üçün onlar işdən kənarlaşdırılıb: “Hazırdı BNA əvvəlki qaydada işini davam etdirir. Dayanma-durma qaydalarını pozan sürücülər yenə də cərimə edilir”.

Orxan