Çin şirkətləri keyfiyyətsiz avtomobil iddialarına cavab verdi

Son vaxtlar Rusiyada Çin avtomobillərinin, o cümlədən Federasiyada istehsal edilən modellərin keyfiyyəti ilə bağlı müzakirələr intensivləşib.

Avtosfer.az xəbər verir ki, Novosibirsk şəhərində keçirilmiş forumun da gündəliyində duran əsas məsələlərdən biri də elə bu olub.

Forum iştirakçılarından bəziləri Çin modellərini kəskin tənqid edib. Onlar bu ölkənin texnikasını almağı lotereyaya bənzədiblər. İddia olunub ki, Çin maşınlarında 500 kilometrdən sonra nasazlıqlar üzə çıxır. ən çox problem mühərrik, asqı və elektrik sistemindədir.

Buna cavabında çinli mütəxəssislər bildiriblər ki, Rusiya bazarı onlar üçün prioritet istiqamət deyil: “Biz Rusiyada biznesimizi inkişaf etdirmək üçün perspektiv görmürük.

Bank faizləri çox yüksəkdir, utilizasiya rüsumu çox böyükdür, rubl stabil deyil. Belə vəziyyətdə yalnız satışla məşğul olmaq olar. Zavod açmaq, yaxud istehsala sərmayə qoymaq çox risklidir”.
Vüqar Yaşaroğlu