Çin şirkətləri “Porsche”ni də çökdürür – Satışları azalıb

Almaniyanın avtomobil istehsalçısı «Volkswagen Group»un lüks markası «Porsche», bu ilin birinci yarısında qlobal avtomobil satışlarının 2023-cü ilin eyni dövrü ilə müqayisədə 7% azaldığını elan edib.

Bu azalma Çində tələbin azalması səbəbindən meydana gəlib.

Şirkət, 2024-cü ilin 6 ayı ərzində Çində 29 551 avtomobil tədarük edib bu göstərici 2023-cü illə müqayisədə 33% azdır. «Porsche»nin açıqlamasına görə, satışların azalmasının səbəbləri Çin bazarındakı davam edən gərgin iqtisadi vəziyyət və şirkətin daha çox gəlir gətirən modellərin satışlarına fokuslanmasıdır. Bu, iqtisadi çətinliklərin və strateji dəyişikliklərin satışlara mənfi təsir göstərdiyini göstərir.

«Porsche» başqa bazarlarda da geriləyib. 2024-cü ilin ilk altı ayında «Porsche»nin Şimali Amerikadakı satışları, 2023-cü ilin eyni dövrü ilə müqayisədə 6% azalaraq 36 558 avtomobilə düşüb. Əvəzində «Porsche»nin vətəni və əsas bazarı olan Almaniyada satışlar 22% artaraq 20 811 avtomobilə çatıb. (fed.az)