Elektromobil istehsalçısı mis oğruları ilə bacara bilmir 

Nə qədər qəribə gəlsə də, bu gün Avropa ölkələrində  və ABŞ-da mis oğurluğu geniş vüsət alıb. Səbəb də bəllidir. Bu metal pandemiyadan sonra 70 faiz bahalaşıb. Avropada oğruların başlıca hədəfi dəmir yolunun rabitə xətləri idi. Fiberoptik sistemə keçdikdən sonra problem aradan qalxıb. Lakin oğrular başqa “obyekt” tapıblar. Nəzərə alaq ki, Avropada əlvan metal oğurluğu əsasən ermənilərin “inhisarındadır”.

Avtosfer.az xəbər verir ki, doldurma məntəqələrində mis kabellərin kəsilməsi şirkətlərə külli miqdarda ziyan vurur. Bunu nəzərə alan Tesla güc kabellərini markalamağa başlayıb.

Şirkət ümid edir ki, bu yolla oğrunu tutmaq daha asan olacaq. Metal qəbulu məntəqələri isə damğalı kabelləri tanıyaraq onları qəbul eməyəcək.

İkinci üsul isə kabellərin daxili hissəsinə əlavə izolyasiya tətbiq edərək çöl divarla izolyasiya qatının arasına yüksək təzyiqli boya doldurmaqdır. Nəzəri olaraq bu boya istifadəçiyə çətinlik yaratmayacaq.
 

Lakin kimsə kabeli kəsməyə cəhd etsə o zaman boya təzyiqlə çıxaraq ziyanvericilik aktını törədən şəxsin üst-başına çilənəcək. Boyanın izləri bir neçə gün qalacaq.
Hazırda hər 2 variant test mərhələsindədir.

Vüqar Yaşaroğlu