Elektromobil sürücülərinin kütləvi səhvi

Hər 3 sürücüdən yalnız biri elektromobilin batareyasını düzgün doldurur.

Avtosfer.az xəbər verir ki, baş ofisi Brüsseldə yerləşən “Ethias Lease” lizinq şirkəti 8 aylıq tədqiqat nəticəsində belə bir qənaətə gəlib. Şirkət bildirir ki, elektromobil batareyalarının uzunömürlü olması üçün onların 20 – 80 faiz intervalında doldurulması zəruridir. Lakin sürücülərin yalnız 30 faizi bu qaydaya əməl edir. 

Bir çox sürücü dolma göstəricisi 80 faizi ötdükdən sonra belə, elektromobili şəbəkədən ayırmır. Digər kateqoriya sürücülər isə batareyanın doluluq səviyyəsi  20 faizdən aşağı enmədikcə onu doldurmur. 

“Ethias Lease” bildirir ki, belə bir vəziyyət batareyanın “sağlamlığına” zərbə vurur. 20-80 faiz intervalından fərqli halda müntəzəm doldurmalar batareyada kimyəvi deqradasiyanı sürətləndirir. Bu da son nəticədə onun ömrünü qısaldır.

Vüqar