“Ferrari” avtomobilləri və skuterləri məhv etdirdi - FOTO

“Ferrari” şirkəti 2023-cü ildə məhv etdiyi saxta məhsulların statistikasını açıqlayıb. 

Avtosfer.az xəbər verir ki, şirkət ötən il 100 mindən çox geyim əşyasını məhv etdirib. Bundan başqa, hesabat dövründə 57 mindən çox pulqabı, 17 mindən çox çanta, 61 minədək saxta saatı məhv etdirib. Bundan başqa il ərzində 800 skuter də tullantı kimi neytrallaşdırılıb. 
İşin maraqlı tərəfi isə 3 avtomobilin metal tullantısı kimi təhvil verilməsidir. Söhbət hansısa ucuz modelin karkasının dəyişdirilərək Ferrariyə bənzədilməsindən gedir. Şirkət bildirir ki, 2023-cü il ən çox saxta məhsulun məhv edildiyi dövr kimi yadda qalıb. Bu dövrdə 400 mindən çox saxta mal satışdan çıxarılaraq utilizasiya olunub.\

Vüqar