Hacıqabulda 5300-dən çox “Chevrolet” istehsal edilib

İqtisadiyyat naziri Mikayıl Cabbarovun rəhbərlik etdiyi nümayəndə heyəti Özbəkistana işgüzar səfər edib. Avtosfer.az xəbər verir ki, səfər çərçivəsində Özbəkistan Respublikası ilə Azərbaycan Respublikası arasında əməkdaşlıq üzrə birgə hökumətlərarası komissiyanın 13-cü iclası keçirilib.
Qeyd edilib ki, Azərbaycan və Özbəkistan tərəflərinin Hacıqabul Sənaye Parkında birgə layihəsi çərçivəsində avtomobil istehsal edilir. 
Bu il iyulun 1-nə olan məlumata görə, əməkdaşlıq çərçivəsində 5300-dən çox “Chevrolet” avtomobili istehsal edilib. Bundan başqa, birgə pikap, yük maşını və avtobus istehsalı həyata keçirilir.