Məşhur avtomobil brendi Çindəki istehsalını azaldır

Avtoxəbər 23 İyun 2024 21:42 Oxunub 542
Məşhur avtomobil brendi Çindəki istehsalını azaldır
WhatsApp kanalımıza abunə ola bilərsiniz

Yaponiyanın tanınmış avtomobil korporasiyası “Nissan Motor” satışın zəifləməsi səbəbindən Çindəki istehsalını təxminən 10 faiz azaldıb.

Avtosfer.az “Azərtac”a istinadla xəbər verir ki, səbəb Çin bazarında “yaşıl avtomobil”lərə (elektrik mühərrikli avtomobil) marağın sürətlə çoxalması fonunda ənənəvi yanacaqla işləyən nəqliyyat vasitələrinin satışının azalmasıdır.

“Nissan”ın Çinin Çancou şəhərindəki müştərək müəssisəsində SUV modellərin istehsalı azaldılıb. İllik istehsal gücü 130 min avtomobil olan Çancoudakı zavod “Nissan”ın Çindəki ümumi istehsalının təxminən 10 faizini təmin edir. Şirkət Çin bazarında strategiyasını dəyişməyi də nəzərdən keçirir.

Qeyd edək ki, Yaponiyanın digər tanınmış istehsalçılarından “Mitsubishi Motors” ötən il Çindəki fəaliyyətini dayandırıb, “Honda Motor” isə könüllü ixtisar yolu ilə istehsalı azaldır.

ŞƏRH YAZ
Ad

E-mail

Şərh