Məşhur futbolçuya 170 min dollarlıq hədiyyə - FOTOLAR

“Madrid Real”ı və “BMW” iki illik sponsorluq müqaviləsi imzalayıblar. Avtosfer.az “Marca”ya istinadən xəbər verir ki, müqavilənin şərtlərinə əsasən, şirkət oyunçulara müxtəlif modelli avtomobillər təqdim edir.

Bildirək ki, ötən il “Madrid” futbolçularının “BMW”nin 4 model - iX, XM, i4 və i7 seçimi var idi.

Şirkət söz verib ki, avtomobillərin rəngləri oyunçuların sifarişləri əsasında olacaq.

Kilian Mbappe də indi komandanın üzvüdür və o da avtomobil hüququna malikdir. Mbappeyə mühərriki 660 at gücünə malik olan “i7 M70 xDrive” düşüb. Faransalı hücumçunun avtomobili 170 min dollar dəyərindədir.  Lakin sürücülük vəsiqəsi olmadığı üçün futbolçu avtomobil idarə etmək hüququna malik deyil.

Namiq Musayev