MSPO-2022: Polşadan olan PGZ şirkəti “Waran” zirehli avtomobilini təqdim etdi

Polşanın PGZ şirkəti MSPO-2022 sərgisində “Waran” zirehli texnikasını nümayiş etdirib. Ordu.az xəbər verir ki, 8 nəfəri (komandir, sürücü və 6 nəfər) daşıya bilən maşınlar STANAG standartlarına uyğun qorunma təmin edir.

“Tatra Force 815-7” şassisində qurulan maşına turbomühərrikli “Tatra T3C-928-90” mühərriki quraşdırılıb. Mühərrik 4 pilləli avtomatik “Allison 4500SP” transmissiyası ilə birləşdirilib.

Avtomobilin böyük üstünlüyü onun sadə genişləndirilməsini təmin edən modul quruluşudur.