Sərxoş sürücüyə ibrətamiz cəza: yarım saata 12 bal

İlk baxışdan təəccüblü görünə bilər: 10 ballıq sürücülük vəsiqəsinə 12 bal cərimə necə yazıla bilər? Amma mümkündür. Avtosfer.az xəbər verir ki, belə bir maraqlı hal Fransanın Şarant-maritim departamentində baş verib. Reyd zamanı lüks avtomobili saxlayan jandarmlar sürücünün sərxoş olduğunu müəyyən ediblər. Qanında 0,39 promil spirt olan sürücü 135 avro cərimə və 6 balla canını qurtarıb. Avtomobildəki sərnişinin sürücülük vəsiqəsi olduğu üçün polis avtomobili dayanacağa qoymayıb. 
Təxminən yarım saat sonra sürücünü başqa bir şəhərin polisi saxlayıb. Bu dəfə isə sürücüyə təkrarən 6 bal yazılıb, avtomobil mühafizə olunan dayacanağa yerləşdirilib.
İndi o yenidən vəsiqə ala bilmək üçün nəzəri və praktiki imtahan verməlidir. Bu imtahanı neçə il sonra verəcəyini isə məhkəmə təyin edəcək.

Vüqar