Yeni avtomobilin mühərrik yağını dəyişmək lazımdır? – Ustadan MƏSLƏHƏT - VİDEO

''Avtomobil yeni gətirilibsə, mühərrik və transmissiyanın yağını mütləq dəyişmək lazımdır''.

Avtosfer.az-ın məlumatına görə, bu ifadəni son günlər bəzi ustalar Çindən gətirilən sıfır kilometrajlı avtomobillər haqqında deyirlər. Ustalar fikirlərini belə əsaslandırırlar ki, həmin yağ istehsalçı tərəfindən müvəqqəti istifadə üçün nəzərdə tutub. Avtomobil ustası Sahil Ağabəyli isə hesab edir ki, bu düşüncə kökündən yanlışdır. Ustanın sözlərinə görə, heç bir avtomobilin kitabında bu barədə məlumat yoxdur.

Usta onu da əlavə etdi ki, yeni avtomobillərdə mühərrik yağını 7 min, sürətlər qutusunun yağını isə 80-100 min kilometrə qədər idarə etdikdən sonra dəyişmək lazımdır. O ki qaldı yeni avtomobildə yağın dəyişdirilməsinə, Sahil Ağabəyli deyir ki, bu, Çindən ölkəmizə hər keçən gün daha çox avtomobilin idxal edildiyini bilən bəzi işbazların oyundur. 

Qeyd edək ki, təkcə ötən il ölkədə 29 min 456 ədəd Çin istehsalı avtomobil qeydiyyata alınıb. Bunlar da əsasən elektromobil və hibrid avtomobillər olub. Dövlət Statistika Komitəsinin məlumatına görə, əvvəlki illərlə müqayisədə rəqəmlər hər il artır.

Daha ətaraflı videomaterialda.