«06» toydan çıxan uşağı vurdu

Ağdam rayonunun Əhmədağalı kəndində 11 yaşlı uşağı maşın vurub. APA-nın xəbərinə görə, rayon sakini Əhliman Vəliyev idarə etdiyi “VAZ-2106” markalı minik maşını ilə sözügedən kənddə yerləşən şadlıq sarayının qarşısında toydan çıxan Abışov Vüsal Elman oğlunu vurub. Sürücü bədən xəsarəti alan azyaşlını dərhal Ağdam MRX-ya çatdırıb. Yaralının vəziyyəti həkimlər tərəfindən ağır qiymətləndirilir. Faktla bağlı araşdırma aparılır.