“1 May” yaşayış massivinin sakinləri palçıqlı və gölməçəli yollardan təngə gəlib - VİDEO

Paytaxtın Binəqədi rayonu Biləcəri qəsəbəsi “1 May” yaşayış massivi 6-cı döngə ünvanında yollar yarasız vəziyyətdədir.

Xoşagəlməz halla bağlı sakinlərdən biri Avtosfer.az-a videomaterial göndərib. Şikayətçinin sözlərinə görə, xüsusilə əlverişsiz hava şəraitində yoldan keçmək çətinləşir. Belə ki, qarlı, yağışlı havada yol tamamilə palçıq olur və yaranmış vəziyyət həftələrlə davam edir. Bu da piyadalarla yanaşı, sürücülərin hərəkətinə əngəl törədir. Şikayətçi yağış, qar sularının yoldakı çuxurlara dolaraq kiçik gölməçələr yaratdığını bildirib.

Ümid edirik ki, sakinlərin uzun müddətdir əziyyət çəkdikləri bu problem qısa zamanda həllini tapacaq.

Nərmin