11 avtomobil toqquşdu, 10 nəfər xəsarət alıb

İranda zəncirvari qəza baş verib. APA-nın “Fars” xəbər agentliyinə istinadən verdiyi məlumata görə, hadisə İranın Mərkəzi vilayətində Ərak-Toure yolunda olub. Qəzada 11 minik və yük avtomobili toqquşub, 10 nəfər xəsarət alıb. Nəticədə yolda hərəkət üç saata yaxın bağlanıb. Bundan əlavə, İranın Kirmanşah vilayətində içərisində 16 nəfər sərnişin olan avtobus qəzaya uğrayıb. Nəticədə 4 nəfər xəsarət alıb. Eyni zamanda İranın Qərbi Azərbaycan vilayətində bir atlı çaya düşüb. Hadisə Urmiya-Silvan yolunda baş verib və atlı çayda boğularaq ölüb. Onun ad və soyadı açıqlanmayıb.