"12 manatlıq yol üçün 30 manat istəyirlər"

"Bolt" taksi xidmətinin qiymətləri xeyli artıb.

Avtosfer.az "Ölkə.az"a istinadən xəbər verir ki, bunu iqtisadçı ekspert Samir Əliyev deyib. O, cari qiymətləri əvəlkilərlə müqayisə etmək üçün belə bir nümunə qeyd edib:

"Əvvəllər taksi gecə vaxtı hava limanından Xırdalana 12-13 manata gəlirdi. İndi həmin məsafəyə görə qiymət 2 dəfə artıb. Artıq dünən gecə mənə təxminən 26 manat qiymət təklifi gəldi. Hətta sürücü zəng vurub bu gediş üçün 30 manat istədi. Hər iki sürücü. Buna görə də, hər iki gedişi ləğv edib 20 manata adi taksi ilə gəldim".

Ekspert əlavə edib ki, taksi rəqabətin olduğu sahələrdən biri olub və yeni qərarlardan sonra sırdan çıxıb.

Qeyd edək ki, cari ilin iyulun 1-dən taksi fəaliyyətinə icazə üçün bir sıra tələblərin tətbiqinə başlanılıb.