13 yaşlı türk 15 dəfə dünya çempionu olmuş şahmatçını mat etdi - FOTO

Dünyanın ən gənc qrossmeysteri olan türkiyəli şahmatçı Yağız Kaan Erdoğmuş “tarixin ən yaxşısı” kimi təqdim edilən norveçli qrossmeyster Maqnus Karlseni məğlub edib.

Avtosfer.az xəbər verir ki, o, norveçli şahmatçı, uzun ümddətdir dünya şahmat reytinqində ilk sırada qərarlaşan Maqnus Karlseni 41,2 saniyədə mat edib.

Erdoğmuş Beynəlxalq Şahmat Federasiyasının (FIDE) builki reytinq cədvəlinə əsasən aktiv şahmatçılar arasında ən gənc qrossmeyster ünvanının tək sahibidir.

Apreldə keçirilən “Grenke Open Chess” yarışında mübarizə aparan Yağız Kaan dünya tarixində son standartları yerinə yetirərək qrossmeyster adını almağa nail olan 4-cü şahmatçı olub.

Qeyd edək ki, 33 yaşlı norveçli qrossmeyster Maqnus Karlsenin beşqat dünya şahmat, dörtqat dünya sürətli şahmat və altıqat dünya blitz üzrə şahmat çempionluğu var.

Səfər Əlizadə