2026-cı ildə bu banklar bağlanır? – AÇIQLAMA

“Növbəti il bir neçə bankın birləşmə ehtimalı var”.

Avtosfer.az xəbər verir ki, bu sözləri "Bizim.Media"ya açıqlamasında bank məsələləri üzrə ekspert Əkrəm Həsənov deyib.

O bildirib ki, bankların bağlanma məsələsi müzakirə olunsa da, hazırda kapitalı aşağı olan bankların böyük bankların tərkibinə keçməsi ehtimalı daha yüksəkdir:

“İndiki vəziyyətdə hansısa bankın bağlanmasını gözləmirəm. Amma bir neçə bankın birləşməsi baş verə bilər. Yəni, hazırda kiçik bankların böyük banklara birləşməsi ehtimalı var. Amma indidən həmin bankların adını çəkib müştərilərində qorxu yaratmaq istəmirəm. Sadəcə bunu deyə bilərəm ki, daha çox ehtimal kapitalı aşağı olan banklardır”.

Qeyd edək ki, Bank BTB (50.855), AFB Bank (75.323), Avrasiya Bank (90.261).Bank VTB (111.485) bankların kapital sıralamasında son yerlərdə qərarlaşıblar. 

Xatırladaq ki, 2020-ci ildə isə 4 bank - "AGBank", "Amrahbank", "AtaBank", "NBCBank", 2023-cü ildə "Günay Bank"və "Muğan Bank”, 2024-cü ildə isə "Naxçıvanbank"ın lisenziyası ləğv edilib.