50 ilin maşınisti Bakı-Sumqayıt qatarından danışdı

“Azərbaycan Dəmir Yolları” QSC Bakı-Sumqayıt qatarının Siyəzənə getməsi ilə bağlı xəbərlərə münasibət bildirib. QSC-nin mətbuat xidmətinin rəhbəri Nadir Əzməmmədov Lent.az-a bildirib ki, sərnişinlə dolu qatarın hər hansı səbəbdən Sumqayıta deyil, Siyəzənə getməsi mümkün deyil: “Bunların hamısı uydurmadır, qatarların hərəkətinə ciddi nəzarət edilir, Xüsusi ilə də sərnişin qatarlarının. Bu qatarların hərəkətinə maşinist deyil, xüsusi qurum nəzarət edir və sərnişin qatarının həm arxası, həm də qarşısı boş olmalıdır”.

Məsələ ilə bağlı 50 il dəmiryolçuluq təcrübəsi olan Məhəmməd Məmmədovun da fikirlərini öyrəndik: “Belə bir şey baş verə bilməz. Çünki qatarın hərəkət marşrutu var və bu marşrut təkcə maşinistin yox, xüsusi qurumun da nəzarətindədir. Nə texniki, nə də digər səbəbdən belə bir hadisənin baş verməsi mümkün deyil”.