Ağır texnika daşıyan evakuatorun qəza etməsi yüklərin sığortalanmasını gündəmə gətirib - VİDEO

Paytaxtda üzərində ağır texnika daşıyan yük maşını qəzaya uğrayıb. Nəticədə dəyəri kifayət qədər olan asfalt frezləyən texnika yola aşıb. Həm texnikaya, həm də yol təsərrüfatına ziyan dəyib. Bu fakt bir daha ölkədaxili daşınan yüklərin sığorta məsələsini aktuallaşdırıb.
Sığorta eksperti Vüsal Bədəlov deyir ki, yükdaşıma sığortası ölkədə elə də populyar deyil. Baxmayaraq ki, bu sığorta məhsulu beynəlxalq praktikada ən çox istifadə edilənlər siyahısındadır. Yük sığortasının qiymətləri də elə baha hesab edilmir. Yükün növündən asılı olaraq əksər vaxtlarda cüzi məbləğ ödəməklə risklərdən sığortalanmaq mümkündür.
Yük sığortası təkcə daşınan yükləri deyil, zərər vurula biləcək digər obyektləri də sığortalaya bilər. Xüsusilə də əgər, daşıma zamanı yol təsərrüfatına zərər dəyirsə, müqavilə şərtlərindən asılı olaraq bu zərəri də sığorta şirkətinin qarşılaması mümkündür.
Mütəxəssislər bildirirlər ki, könüllü növ olsa da, yükdaşıma sığortası ciddiyə alınmalıdır.
Ətraflı videomaterialda.