Avtobus qəzasında xəsarət alanların adları məlum olub - SİYAHI

Bakıda baş verən avtobus qəzasının səbəbləri açıqlanıb. Qaradağ Rayon Polis İdarəsindən APA-ya verilən məlumata görə, marşrut avtobusunun aşmasına onun yük maşını ilə toqquşması səbəb olub. Belə ki, 1984-cü il təvəllüdlü Elşən Allahverdiyevin idarə etdiyi “196” saylı xətt üzrə hərəkət edən “İveco” markalı marşrut avtobusu İran İslam Respublikasının vətəndaşı, 1987-ci il təvəllüdlü Vəli Sərbaz Kamilin idarə etdiyi “Howo” markalı yük avtomobili ilə toqquşub. Qəzanın təsirindən avtobus aşıb. Polisdən həmçinin bildirilib ki, qəza nəticəsində xəsarət alanların adları müəyyənləşib. Onlar - 45 yaşlı İsmayıl Əfsərli, 15 yaşlı Əli Məmmədov, 21 yaşlı Samir Həsənli və 49 yaşlı Nəzakət Murtuzayeva, 51 yaşlı Səfilə Murtuzayva, 24 yaşlı Zöhrə Murtuzayeva, 35 yaşlı Məlahət Mirzəyeva, 26 yaşlı İlkin Əliyev, 22 yaşlı Sevinc Abbasovadır.