Avtobus və metroda güzəşt ola bilər - Bu şəxslərə gediş kartları veriləcək

Dünyanın müxtəlif ölkələrində tələbələr və ahıllar üçün ictimai nəqliyyatdan istifadə ilə bağlı güzəşt limitlərini əhatə edən kartlar mövcuddur. Beləliklə, bu kateqoriyadan olan şəxslər bəzi hallarda ictimai nəqliyyatdan pulsuz istifadə edirlər. Hətta bəzi ölkələrdə tələbələrə təyyarədə, dəmir yolunda əlli faiz güzəşt tətbiq olunur.
Avtosfer.az xəbər verir ki, bu barədə Teleqraf.com-a Milli Cəbhə Partiyasının sədri, deputat Razi Nurullayev deyib.
O qeyd edib ki, belə müsbət təcrübələrin Azərbaycanda tələbələrə və ahıl insanlara şamil olunması daha məqbul olar:
“Çünki ölkəmizdə yaşlı insanların qayğıya ciddi ehtiyacı var. Bu kateqoriyadan olan insanlar aldıqları pensiyalarla ehtiyaclarını qarşılaya bilmir. Eyni zamanda tələbələrin də belə bir dəstəyə ciddi ehtiyacı mövcuddur”.
Partiya sədri hesab edir ki, gənclər daha çox dinamikdir, müxtəlif yerlərə, tədbirlərə, kitabxanalara gedir:
“Bu zaman isə onlar metrodan və digər ictimai nəqliyyat növlərindən gün ərzində daha çox istifadə edirlər. Hətta bəzi tələbələr təhsil aldıqları müəssisəyə gəlmək üçün üç marşurut dəyişməli olur. Bu da sözsüz ki, tələbələrin büdcəsi üçün yükə çevrilir. Ahıl insanların da xəstəxanalara, parka, nəvələrinin görüşünə və hansısa işinin arxasınca gedən zaman ictimai nəqliyyatdan güzəştlə istifadəsi daha məqbuldur”.
Razi Nurullayev bunun üçün həmin kateqoriyadan olan insanlara güzəştli gediş kartlarının verilməsinin məqsədə uyğun olduğunu söyləyib:
“Bu güzəştli kartlar aylıq və illik olaraq hesablanaraq dövlət büdcəsindən həmin şirkətlərin hesabına qaytarıla bilər. Ona görə də, Azərbaycanda məhz dünyada mövcud olan bu qabaqcıl təcrübənin tətbiqi müsbət addım olardı”.
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA












