Avtobuslarda kondisioner problemi həll olunub? - AÇIQLAMA

Yay mövsümünün gəlməsi, havaların istiləşməsi ilə əlaqədar avtobuslarda kondisioner sistemi yenidən gündəmə gəlir. Yeni avtobuslarda kondisioner sistemi olsa da, bəzilərində işlək vəziyyətdə olmur və bu da sərnişinlərin narazılığına səbəb olur.
Avtobuslarda kondisioner problemi necə həll olunur?
Məsələ ilə bağlı Azərbaycan Yerüstü Nəqliyyat Agentliyinə (AYNA) və "BakuBus" MMC-yə sorğu ünvanladıq.
AYNA mətbuat katibi Tural Orucov bildirilib ki, müntəzəm marşrut xətt avtobuslarında havalandırma, isitmə və sərinləndirmə sistemlərinin olması sərnişinlərin rahatlığı üçündür:

"Nazirlər Kabinetinin 73 saylı qərarı ilə təsdiq olunan tələblərdə də bu məsələ xüsusilə qeyd edilib. Hər bir daşıyıcı şirkət istismarında olan avtobuslarda bu sistemlərinin olması və işlək vəziyyətdə saxlanılması üçün məsuliyyət daşıyır. Hər il olduğu kimi, bu il də yay mövsümü başlamazdan əvvəl müntəzəm sərnişindaşıma fəaliyyəti göstərən daşıyıcılara rəsmi qaydada xəbərdarlıq məktubu göndərilib. Onlara avtobuslarda sərinləndirmə sistemlərinin işlək vəziyyətə gətirilməsinə dair göstərişlər verilir. Həmçinin onlara yay mövsümünün iyunun 15-də başlamasına baxmayaraq sərnişinlərin rahatlığı üçün avtobuslarda temperatur göstəricilərinin tənzimlənməsi barədə də tapşırıqlar verilib".
"BakuBus" MMC-dən mətbuat katibi Əsmər Əliyeva bildirilib ki, kondisionerlər işlək vəziyyətdədir:
"BakuBus"ın daxili reqlament qaydalarına uyğun olaraq kondisionerlərin fəaliyyəti 15 iyundan nəzərdə tutulurdu. Lakin havaların isti keçməsi və sərnişinlərin rahatlığını nəzərə alaraq rəhbərliyin göstərişi ilə iyun ayının 1-dən etibarən avtobusda kondisionerlər işlək vəziyyətdədir".
Mənbə: Oxu.az
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA












