Avtobusun bir-birinə yapışdırdığı avtomobillərin VİDEOsu

Bu gün səhər saatlarında Nərimanov prospektində 83 saylı marşrut xəttə işləyən “Daewoo” markalı 90 MO 168 dövlət nömrə nişanlı avtobusun törətdiyi qəza ilə bağlı videmateralı təqdim etdirik. Avtosfer.az-ın məlumatına görə, qəza nəticəsində prospektin kənarında park edilən, məhəllə sakinlərinə məxsus 6 avtomobilə ciddi ziyan dəyib. Həmin avtomobillər ard-arda düzüldüyü üçün avtobusun güclü zərbəsi nəticəsində hamısı bir-birinə çırpılıb. Bundan başqa avtobus bir ağacı da aşırıb. Sürücü isə hadisə yerindən qaçıb.

Avtosfer.az-ın təqdim etdiyi videodan aydın olur ki, avtomobillər ciddi zərər görüb. Bu isə o deməkdir ki, avtobus yüksək sürətlə hərəkət edirmiş. «Sovetski» küçəsi kimi darısqal yerdə yüksək sürətlə avtobus sürən sürücünün kimliyi maraq doğurur.