![Samuxda maşın sel sularının altında qaldı - ANBAAN VİDEO](/upload/news/small/3050645.jpg)
Avtobusun qarşısında manevr etmək istəyən avtomobil bu hala düşdü – FOTOLAR
![Avtobusun qarşısında manevr etmək istəyən avtomobil bu hala düşdü – FOTOLAR](/upload/news/fb4e77.jpg)
Bu gün səhər saat 9 radələrində Bakıda sərnişin avtobusunun iştirakı ilə ağır yol qəzası baş verib. Hadisə Azadlıq 189 ünvanında qeydə alınıb. Belə ki, “Daewoo” marklı, 10 TF 909 dövlət nömrə nişanlı, 165 saylı xətt üzrə hərəkət edən sərnişin avtobusu dayanacaqdan hərəkətə başlaryakən, “Volkswagen” markalı avtomobil sürətlə əks yola keçərək, avtobusun qarşısında dayanan “Hyundai” markalı avtomobilə çırpılıb. Zərbənin təsirindən “Hyundai” yol kənarındakı kolluğa girib. “Volkswagen” markalı avtomobil daha sonra qarşısındakı sərnişin avtobusuna çırpılıb. Avtobusun sürücü İbrahim Asimanov anspress-ə bildirib ki, hadisə qəfil baş verib. “Nə qədər çalışsam da, avtobusu qəzadan xilas edə bilmədim”, - deyə İbrahim Asimanov bildirib.
Qeyd edək ki, qəzada 3 nəfər yüngül xəsarət alıb.
Qəzanın səbəbkarı olan “Volkswagen” markalı avtomobilin sürücüsü qəzanın fotolarını çəkən «Radio Antenn» FM radiosunun əməkdaşı Əzizə İsmayılovaya hücum edib. Qəzaya səbəb olan “Volkswagen” markalı avtomobilin sürücüsünün hücumu barədə Əzizə İsmayılova özünün Facebook səhifəsində yazıb: “Qəza törədən sürücü başından yüngül xəsarət almışdı və hətta mənim üzərimə şəkil çəkməyim deyə hücum belə etdi... Əlimdəki kameranı almağa çalışdı”, - deyə Əzizə İsmayılova qeyd edib.