Avtomobil yollarının uzunluğu 31 min kilometri ötəcək - 2028-ci ildə

Gələn il Türkiyədə avtomobil yollarının uzunluğunun 30 min 420 kilometrə, 2028-ci ildə isə 31 min 250 kilometrə çatdırılması planlaşdırılır.

Avtosfer.az xəbər verir ki, bu çərçivədə avtomobil yolu şəbəkəsində yol hərəkəti təhlükəsizliyinin artırılması və davamlılığın təmin edilməsi, yollarda nəzarətin gücləndirilməsi və avtomobil yolu şəbəkəsinin qorunaraq inkişaf etdirilməsi əsas prioritetlər arasında olacaq.

Ölkədə yol tikintisi işlərində əsas diqqət yetirilən məsələlərdən biri də əsas limanlarla avtomobil və dəmir yolu bağlantılarının yaradılması kimi müəyyən edilib.

Türkiyədə təkzolaqlı yolların uzunluğunun gələn il 16 min 303 kilometrə, 2028-ci ildə isə 16 min 938 kilometrə qədər artırılması nəzərdə tutulur.

Bundan əlavə, 2026-cı ildə dövlət və vilayət yollarında 300, 2028-ci ildə isə 450 kilometr uzunluğunda rabitə infrastrukturunun yaradılması da planlaşdırılır.