Avtomobildən oğurluq edən tutuldu

Bakının Nizami rayonunda avtomobildən oğurluq edilib. Avtosfer.az xəbər verir ki, oğurluq hadisəsi Çobanzadə küçəsində qeydə alınıb. Masallı rayon sakini Alxas Məhərrəmova məxsus “Chevrolet-Cruze” markalı avtomobildən, açıq qapıdan keçməklə 708 manat və mobil telefon oğurlanıb. Nizami Rayon Polis İdarəsinin 24-cü polis bölməsi əməkdaşlarının keçirdiyi əməliyyat-axtarış tədbirləri nəticəsində, oğurluğu törətməkdə şübhəli bilinən Lənkəran rayon sakini, 1986-ci il təvəllüdlü Elvin Əzimov tutulub.