Avtomobillə 2 nəfəri vurub qaçdılar

Sentyabrın 7-də saat 20 radələrində Səbail rayonunun Neftçilər prospektində müəyyən edilməmiş avtomobil qəza törədib. Avtosfer.az Daxili İşlər Nazirliyinə istinadən xəbər verirki, naməlum avtomobil yolu keçən Bakı şəhər sakini Müşfiq Ağayevi vurub. M.Ağayev xəstəxanaya yerləşdirilib. Səbail RPİ tərəfindən əməliyyat-axtarış tədbirləri aparılır.

Suraxanı rayonunda da oxşar hadisə baş verib. Sentyabrın 7-də saat 17 radələrində Suraxanı rayonunun Yeni Günəşli qəsəbəsində müəyyən edilməmiş avtomobillə yolu keçən Bakı şəhər sakini Nəzrin Süleymanzadə vurulub. N.Süleymanzadəyə xəstəxanada ilkin tibbi yardım göstərildikdən sonra buraxılıb.

Suraxanı RPİ tərəfindən əməliyyat-axtarış tədbirləri aparılır.

Fərid