![Taksi sürücüsü onu boğan sərnişini tapança ilə başından vurdu - FOTOLAR](/upload/news/small/3898047.jpeg)
«Avtoş» sürücü maşınla birlikdə kanala düşdü
![«Avtoş» sürücü maşınla birlikdə kanala düşdü](/upload/news/dc21ca.jpg)
Şirvanda avtoxuliqanlıq edən sürücü yol-nəqliyyat hadisəsi törədib. APA-nın verdiyi məlumata görə, hadisə gecə yarısı Şirvan şəhərinin H.Əliyev prospektində Baş Şirvan Kollektorunun üstündən keçən körpüdə baş verib. Şirvan sakini 1991-ci il təvəllüdlü Hüseynov Fərid Ağakişi oğlu “Reno” markalı 99 FM 547 dövlət nömrə nişanlı avtomabili yüksək sürətlə hərəkətdə olarkən idarəetməni itirib. Nəticədə avtomobil 9 metrlik körpünün beton və metal sədlərini dağıdaraq, hündürlükdən kanala düşüb. Avtomobildə olan sürücü Fərid Hüseynov və sərnişin Şirvan sakini 1986-cı il təvəllüdlü Nağıyev Mübariz Zabil oğlu avtomobildən çıxaraq, kanaldan üzüb xilas olublar. Hər iki şəxs yüngül xəsarət alaraq, Şirvan şəhər mərkəzi xəstəxanasının travmatologiya şöbəsinə yerləşdiriliblər. Faktla bağlı araşdırma aparılır.