Avtovağzalların işi ilə bağlı sərnişinlər üçün vacib məlumatlar açıqlandı  - FOTO

Bu gün Bakı Beynəlxalq Avtovağzal Kompleksində şəhərlərarası və rayonlararası gediş-gəlişin bərpası ilə əlaqədər media tur təşkil edilib.

Avtosfer.az xəbər verir ki, tədbirdə avtovağzallardan hərəkət edəcək avtobuslar və sərnişinlər barədə yeniliklərdən danışılıb. Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinin mətbuat katibi Nuridə Allahyarova bildirib ki, səhhətində narahatlığı olan sərnişinlərin bileti qaytarılacaq və ya başqa günlə əvəz olunacaq. Bundan başqa, Avtovağzal Kompleksində Bakıdan regionlara gedəcək sərnişinlərdən Covid-19 pasportu tələb edilməyəcək. Onun sözlərinə görə, sürücülərin 70% vaksinasiya olunub, bu prosses onlar arasında yaş həddi nəzərə alınaraq könüllü şəkildə keçirilib.

İki saatdan artıq keçən səfərlər zamanı avtobus xüsusi istirahət dayanacaqlarında saxlanılaraq antisanitar və gigiyenik normalar nəzərdən keçiriləcək.
Biletlərin qiymətlərində artım və azalmanın olmadığını qeyd edən Nuridə Allahyarova tariflərin standart olaraq qaldığını qeyd edib.
Naxçıvan Muxtar Respublikasına olunacaq səfərlər ölkədaxili olmasına baxmayaraq, səfər İran İslam Respublikasından keçdiyi üçün hələ ki, gedişlər mümkün deyil.

Qeyd edək ki, biletlər 30 may tarixindən artıq satışda olacaq.

Aysel
Nərminə