“Azərbaycan Dəmir Yolları” gücləndirilmiş iş rejiminə keçdi
Gündəm
4 Sentyabr 2015 12:14
Oxunub 1266
Zəlzələ ilə əlaqədar
Bu gün Şəkidə baş verən zəlzələ ilə əlaqədar olaraq “Azərbaycan Dəmir Yolları” QSC-nin müvafiq qurumları gücləndirilmiş iş rejiminə keçib.
Avtosfer.az xəbər verir ki, bu barədə oxu.az-a “Azərbaycan Dəmir Yolları”-nın mətbuat xidmətinin rəhbəri Nadir Əzməmmmədov bildirib.
“İnfrastruktur Departamentinin kollektivləri yollarda, körpülərdə, stansiyalarda yol, enerji təchizatı, işarəvermə və rabitə sahələrinin zəlzələdən ziyan görüb-görməməsini yoxlayırlar” -deyə, o bildirib.
QSC-dən bildirilib ki, mütəmadi yoxlamalar xırda təkanlar dayanana kimi davam edəcək.
Qeyd edək ki, AMEA Respublika Seysmoloji Xidmət Mərkəzindən məlumat verildiyi kimi, bu gün saat 09.49-da Şəki ərazisində zəlzələ qeydə alınıb.
Zəlzələ episentrdə 7 bala, respublikanın ətraf rayonlarında 6-5-4 və 3 bala qədər hiss olunub. Zəlzələ 13 km dərinlikdə baş verib.
ŞƏRH YAZ
DİGƏR XƏBƏRLƏR
