Azərbaycana qarşı genişmiqyaslı kibermüharibəni kim elan edib? - ARAŞDIRMA - VİDEO

Fevralın 20-si günün birinci yarısında "Global Media Group"a daxil olan onlayn resurslara kütləvi haker hücumu həyata keçirilib və nəticədə Report.Az, Oxu.Az, Media.Az, Baku.ws və Baku TV kimi saytların fəaliyyətində fasilələr yaranıb. Saytların serverlərini və idarəetmə panellərini sındırmaq cəhdləri olub. Caliber.Az da istisna deyildi.

Avtosfer.az xəbər verir ki, bu barədə "Caliber"in "YouTube" kanalında yayımlanan yeni süjetində bildirilir.

"Elə ilk dəqiqələrdən müvafiq mütəxəssislərə məlum oldu ki, onlar klassik "DDoS" hücumu ilə deyil, məqsədyönlü şəkildə serverləri ələ keçirmək cəhdi ilə üzləşiblər. Bu cür əməliyyatlar həvəskar hakerlərin və ya "haktivistlərin" imkanlarından çox kənara çıxır və yüksəkixtisaslı kibermütəxəssislərin, ehtimal ki, hətta müəyyən bir ölkənin kəşfiyyat xidmətlərinin əməkdaşlarının da işinə işarə edir. Burada iki sual yaranır: məhz hansı ölkə və bu nə üçün lazım idi?

Gəlin bunu anlamağa çalışaq.

Hakerlərin hücum etdikləri bəzi internet resurslarının əsas səhifələrində yerləşdirdikləri dini mövzulu görüntülərə nəzər salsaq, ağlımıza gələn ilk fikir bütün bunların arxasında Cənubdakı qonşumuz İranın dayanmasıdır. Ancaq burada bir neçə əhəmiyyətli ziddiyyətlər var. Əvvəla, bu, məhz indi İrana niyə lazımdır? Məhz İran İslami Məşvərət Şurasının sədri, ali rəhbər Əli Xameneiyə yaxın şəxslərdən sayılan Məhəmməd Baqir Qalibafın başçılıq etdiyi nümayəndə heyətinin Bakıda olduğu həmin gün - təsadüfi deyil ki, o, uzun illər Tehrana rəhbərlik edib, sonra isə İran Məclisinin sədri vəzifəsində Əli Laricanini əvəz edib. Qalibaf Bakıda Prezident İlham Əliyev tərəfindən qəbul edilib. Görüşdə iranlı qonaq ölkəsinin regionda sabitlik və təhlükəsizliyin təmin edilməsində Azərbaycanla ortaq maraqlara malik olduğunu qeyd edib", - deyə material qeyd olunub.

Daha ətraflı süjetdə: