Azərbaycanda hamilə qadın maşında uşaq dünyaya gətirdi - FOTO

Şəmkirdə təcili tibbi yardım briqadası vəziyyəti pisləşən hamilə qadına kömək ediblər.

Avtosfer.az xəbər verir ki, Respublika Təcili və Təxirəsalınmaz Tibbi Yardım Mərkəzinə Şəmkir rayonu ərazisindən 18.03.2025-ci il tarixində saat 05:00 radələrində çağırış daxil olub. Çağırış ünvanına təcili tibbi yardım briqadası cəlb olunub.

Belə ki, Gədəbəy sakini, 39 həftəlik hamilə olan qadın Şəmkirə çatmaq üzrə olarkən vəziyyəti pisləşib və təcili yardıma müraciət edib. Həyatla ölüm arasında keçən dəqiqələrdə təcili yardım briqadası maşında körpənin doğuş prosesini həyata keçirib. Daha sonra isə briqada tərəfindən doğuş prosesi təcili tibbi yardım avtomobilində nəzarətə götürülüb. Tibbi heyət tərəfindən zahı qadın və yenidoğulmuş uşaq (oğlan) müvafiq tibb müəssisəsinə təxliyə olunub. Xəstəxanada anaya və körpəsinə zəruri tibbi xidmətlər göstərilib. Ana və çəkisi 4 kq. 100 qr., boyu 52 sm. olan körpənin (oğlan cinsli) müalicələri tibb müəssisəsində davam etdirildikdən sonra evə buraxılıblar.

Vətəndaşın ailə üzvləri Şəmkir Təcili və Təxirəsalınmaz Tibbi Yardım Stansiyasının heyətinə - həkim Sədibə Hacıyeva, feldşer Aynurə Hüseynova, sürücü Elman Dumanova göstərdikləri tibbi xidmətə görə təşəkkür ediblər.

Namiq Musayev